सेलिब्रेटी नेपाल काठमाडौँ
७४ साल साउन १३ गतेबाट रिलिज हुने चलचित्र ‘प्रेमगीत २’को शिर्ष गीत रिलिज भएको छ । नयाँ बर्षको शुभकामना सहित निर्माण कम्पनी आँशुसेन फिल्मले गीत रिलिज गरेको हो ।
सार्वजनिक गीतमा श्रेया सोताङ र रोहितजोन क्षेत्रीले स्वरलाई सुन्न सकिन्छ । । कल्याण सिंहले संगीत भरेको गीतलाई अमृत महरठ्ठाले लेखेका हुन् । सन्तोष सेनले निर्माण गरेको चलचित्रको गीतमा चलचित्रका मुख्य कलाकार प्रदिप खड्का र डेब्यू नायिका अश्लेषा ठकुरी रहेका छन् भने यसलाई रामशरण पाठकले निर्देशन गरेका छन् ।
पुरुषोत्तम प्रधानले छायांकन गरेको गीतमा रेनशा वान्तवा राइको कोरियोग्राफी रहेको छ ।
