सेलिब्रेटी नेपाल काठमाडौँ
सुपरस्टार रजनीकान्तको आगामी चलचित्र ‘२.०’ को सेटमा पत्रकारलाई दुव्र्यवहार गरिएको छ । यसका लागि निर्देशक एस शंकरले माफी मागेका छन् । चलचित्रको टिमले चेन्नईमा सुटिङका दौरान दुई फोटो पत्रकारमाथि आक्रमण गरेका थिए । स्थानीय सञ्चारमाध्यमसँग कुराकानी गर्दै शंकरले यस्तो गल्ती नदोहोरिने बताएका छन् ।
उनले यसबारे जानकारी नभएको भन्दै माफी मागेका छन् । निर्देशकले माफी मागेपछि स्थानीय पत्रकारले प्रहरीमा दिएको उजुरी फिर्ता लिएका छन् । चलचित्रका प्रोडक्शन म्यानेजर, बाउन्सर र एस शंकरका भतिजाका विरुद्ध प्रहरीमा उजुरी दिइएको थियो । चलचित्रको सुटिङ चेन्नईको नजिकै रहेको त्रिप्लिकेनमा भइरहेको थियो ।
सुटिङका कारण बाटो बन्द गरिएको थियो, जसका कारण सर्वसाधारणलाई आवतजावत गर्न कठिनाइ भइरहेको थियो । जब फोटो पत्रकारले यी तस्बिर लिएर प्रोडक्सनलाई प्रश्न गरे, तब पत्रकारमाथि आक्रमण गरिएको थियो । यो घटनाका बेला रजनीकान्त भने सेटमा थिएनन् ।
