नेपाली गीत संगीतमा लाग्न चाहने युवा युवतीको कमि छैन यहाँ चाहना मात्र गर्ने र साधना नगर्ने र रहर मात्र गर्ने हरुको भिड छ । यसै भिडमा बिगत १६ वर्ष देखि संगीत सिक्दै र साधना गर्दै आएका गायक तथा संगीतकार बिक्रम सुवाल नयाँ गीत लिएर दर्शक श्रोता माझ आउंदै छन् । बिक्रमको संगीतमा थुप्रै चर्चित गायक गायिका हरुले गीतगाइ सकेका छन् ।
स्वरूपराज आचार्य,प्रमोद खरेल,शिब परियार,रजीना रिमाल,धर्मेन्द्र सेवान लगाएतका गायक गायिकाको लागि संगीत भरि सकेका बिक्रम अब गायकको रुपमा आफ्नो परिचय बनाउन चाहन्छन् । रामगोपाल आशुतोशको शब्द तथा सुरेन्द्र श्रेष्ठको संगीतमा विक्रमको सुमधुर आवाजमा सजिएको गीतको रेकर्डिङ सकिएर म्युजिक भिडियो निर्माण हुने क्रममा रहेको छ ।
