नेपाली साइन्स फिक्सन चलचित्र बिजुलीमसिन भदौ ३१ गतेबाट

सेलीब्रेटी नेपाल काठमाडौँ
नेपालकै पहिलो साइस फिक्सन चलचित्र ‘बिजुली मसिन’को ट्रेलर सार्वजनिक भएको छ। राजधानीमा बुधबार सम्मेलन गरेर चलचित्रको ट्रेलर सार्वजनिक गरिएको हो। चलचित्रका निर्देशक नविन अवालले उर्जा संकटका कारण देशले भोग्नुपरेको नियति र आम नेपालीहरुमा देखिएको असहजता र अभावको दैनिकीलाई चलचित्रले कलात्मक ढंगले देखाईएको बताए।

‘बिजुली मसिन’ लाई सिलौटी इन्टरटेनमेन्टको व्यानरमा रिसव आचार्य, संजिव न्यौपाने, दिपेन बस्नेत र सन्तोष लामिछानेले निर्माण गरेका हुन् । चलचित्रमा अभिशेक सुवेदी, जीवन अधिकारी, रेलीजा श्रेष्ठ, बुद्धि तामाङ, लक्ष्मी भुषाल, कमलमणी नेपालको अभिनय रहेको छ। चलचित्रमा महानायक राजेश हमाल विशेष भूमिकामा देखिनेछन्। नविनकै लेखनमा तयार भएको चलचित्र आउँदो भदौ ३१ गतेबाट देशभरका हलमा प्रदर्शन हुँदैछ।