बेनिशाको मुटुको टुक्रा कोशिशले अलग्गै बनाउन खोजे पछि (भिडियो)

सेलीब्रेटी नेपाल काठमाडौँ

गायिका सकुन लिम्बुको स्वरमा रहेको ‘मुटुको टुक्रा’ बोलको गीत भिडियो सार्वजनिक गरिएको छ । बि आर मित्रको शब्द रहेको गीतमा चर्चित संगीतकार ताराप्रकाश लिम्बुको संगीत रहेको छ । म्युजिक भिडियो अर्जुन अधिकारीले निर्देशन गरेका हुन् भने भिडियोमा कोशिश क्षेत्री र बेनिशा हमालले अभिनय गरेका छन् । म्युजिक भिडियोमा निर्देशक अर्जुन अधिकारीको निर्देशन पक्ष अब्बल देखिएको छ । अर्जुन तिवारीले खिचेको म्युजिक भिडियोको सम्पादन भने निशान घिमिरेले गरेका हुन् । नव गायीका भए पनि सकुनको गीतमा गायकी पक्ष सबल छ । भिडियोलाई लोकेसनले रिच बनाएको छ ।