राजनीतिक कथावस्तु बोकेको नागरिक आगामी सुक्रबार

सेलिब्रेटी नेपाल काठमाडौँ
समकालीन राजनीतिक कथावस्तु समेटिएको नेपाली कथानक चलचित्र ‘नागरिक’ आगामी शुक्रबारदेखि देशभर प्रदर्शनमा आउने भएको छ । विसं २००७ देखि वर्तमान राजनीतिक गतिविधिलाई चलचित्रले समेटेको छ । चलचित्रले नेताहरुले कसरी राजनीतिक स्वार्थ पूरा गर्न जनतामाझ गरिएका वाचालाई बिर्सिएर आफ्ना स्वार्थ पूरा गर्न उन्मूख हुन्छन् भन्ने कुरालाई दर्शकमाझ ल्याउन खोजेको छ ।

चलचित्रको मुख्य भूमिका देखिएका अभिनेता रमेश बुढाथोकीले राजनीतिमा केकस्ता फोहोरी खेलहरु हुन्छन् र नेताले कसरी जनतालाई झुट बोल्छन् भन्ने कुरालाई देखाउन खोजेको बताए । आज चलचित्र युनिटले पत्रकार सम्मेलन गरि चलचित्रको बारेमा जानकारी गरायो । मनु इन्टरटेन्टमेन्टको प्रस्तुति रहेको नागरिकलाई विमल पौडेलले निर्देशन गरेका हुन् । श्रीवनराज भण्डारी, सास्वत दुलाल र सत्य शर्माको संयुक्त लगानी रहेको चलचित्रमा नायकको भूमिकामा बुढाथोकी र नायिकाको रुपमा सरिता गिरीसहित अन्य चर्चित कलाकारको अभिनय रहेको छ ।