सेलिब्रेटी नेपाल काठमाडौँ
नायक निखिल उप्रेती भन्ने बित्तिकै नेपाली दर्शकहरुले सात तल्लाको छतबाट हाम फालेको दृश्य याद गर्दछन । नेपाली चलचित्रमा नायक निखिल प्रवेश संगै एक्सन चलचित्रहरु थुप्रै बने र सफल पनि भय । केहि बर्षको ग्याप पछी निखिल चलचित्र ‘भैरव’ मार्फत कम ब्याक भय एक्सन स्टारकै रुपमा उनि फेरी पनि सफल र ब्यबसायिक बन्न सफल भय । ‘भैरव’मा उनि एक पुलीस अफिसरको भूमिकामा देखियका थिय अब उनको कम ब्याक पछिको दोश्रो चलचित्र लुटेरा प्रदर्शनमा आउने तयारीमा रहेको छ । पूर्ण एक्सन श्रेणीको चलचित्र लुटेराको ट्रेलर सार्बजनिक गरिएको छ । लुटेरामा निखिल एक चोरको भूमिकामा देखा पर्दै छन् ।
गोपाल कायस्थको प्रस्तुति रहेको चलचित्र ‘लुटेरा’ लाइ बसन्त कुमार श्रेष्ठ र छिरिङ दोर्जे लामाले निर्माण गरेका हुन् । चलचित्रमा निखिलको साथमा निशा अधिकारी, सबिन श्रेष्ठ, हर्षिका श्रेष्ठ , अनुभव रेग्मी लगायतका कलाकारकाे अभिनय रहेको छ । दयाराम दाहालले निर्देशन गरेको चलचित्र आगामी कार्तिक २७ गते बाट देशभर प्रदर्शनमा आउने भएको छ ।
