सुश्रीको टेम्प्रोररी माया सार्बजनिक (भिडियो)

कार्तिक ३ गतेलाई रिलिज मिती तय गरेको चलचित्र लेखक शिबम् अधिकारी निर्देशित तथा आर्यन सिग्देल अभिनित ‘सुश्री’ को एक गीत सार्वजनिक गरिएको छ ।‘टेम्प्रोररी माया…’बोलको सार्वजनिक गीतमा बसन्त सापकोटा र एन्जिला रेग्मिको स्वर रहेको छ । बसन्त सापकोटाको शब्द तथा संगीत रहेको उक्त गीतलाई शंकर बिसीले कोरियोग्राफी गरेका छन् । जुन गीतमा अभिनेता आर्यन सिग्देल र नायिका आशिका तामाङलाई प्रस्तुत गरिएको छ । यसै चलचित्र मार्फत् चलचित्र निर्देशनमा लेखक शिबम् अधिकारी र हिरोइनमा आशिका तामाङले डेब्यु गर्दै छन् ।

आत्मराम थापाको लगानिमा निर्मित यस चलचित्रमा आर्यन र आशिका सहित अर्की नायिका सुरबिना कार्की,राजाराम पौडेल,बिकास चापागाईं र मिश्री थापा मुख्य भूमिकामा छन् । चलचित्रलाई रामेश्वर कार्कीले खिचेका छन् भने सानुकुमारले दन्द निर्देशन गरेका छन् । त्यस्तै बसन्त सापकोटा र आशिष पुरुषको शब्द रहेको छ भने बसन्त र सुबास भुषालले संगीत भरेका छन् ।