सेलिब्रेटी नेपाल काठमाडौँ
गोपीकृष्ण मुभिजको ब्यानरमा निर्माण भएको चलचित्र ‘ठमेल डटकम’को शिर्ष गीत सार्वजनिक गरिएको छ । ‘ठमेल डटकम’बोलको उक्त ओएसटी गीतमा अर्जुन पोखरेलको संगीत, दयाराम पाण्डेयको शब्द र सुवानी मुत्तानको स्वर रहेको छ । यसअघि सार्वजनिक भएको ‘तिमी नभए’ बोलको गीतलाई दर्शकले अत्यधिक मनपराएसंगै चलचित्रको शिर्ष गीत सार्वजनिक छ । पुराना चर्चित निर्देशक राजकुमार शर्माले निर्देशन गरेको चलचित्र ‘ठमेल डटकम’बाट शर्मा नेपाली रजतपटमा पुनरागमन समेत गर्दैछन् निर्देशक पुराना भएपनि चलचित्रले पछिल्लो समयका युवा पुस्ता केन्द्रित कथा बोकेको छ ।
भारतिय चलचित्र समेत निर्देशन गरिसकेका शर्मा निकै अब्बल चलचित्र निर्देशकमा गनिन्छन् । चलचित्र ‘ठमेल डटकम’ को यसै गीतमार्फत पहिलो पटक मोडल सम्पदा बानियाँ चलचित्रमा फिचारिंग भएकी छिन्। अनुप बिक्रम शाही,प्रमोद अग्रहरी र नरेन खड्कासंगै निता पोखरेलको मुख्य भूमिका रहेको चलचित्र आउदो कार्तिक ५/६ गते दशैको दिनबाट प्रदर्शन हुँदैछ ।
