ग्यांगस्टार कथा र प्रियंकाको हट दृश्यमा षडङ्ग

(सेलिब्रेटी नेपाल) काठमाडौँ
चैत्र १३ गते लाइ आफ्नो प्रदर्शन मिति तोकेर प्रचार प्रसारमा उत्रिएको चलचित्र ‘षडङ्ग’ ले राजधानीमा पत्रकार सम्मेलन गरेर चलचित्रको बारेमा जानकारी गराएको छ । चलचित्रका लेखक तथा निर्देशक सुरज सुनवारले चलचित्र ‘षडङ्ग’ ले ६ वटा बिषय बस्तु बोकेको कुराको जानकारी गराए । यो चलचित्रलाई वितरण कम्पनि पपकर्नले वितरण गर्ने भएको छ । चलचित्रमा नायिका प्रियंका कार्कीलाई बोल्ड अवतारमा देखाइएको छ । यस्तै, नायक सौगात मल्लले नयाँ शैलीको भाषालाई अबलम्बन गरेका छन् । चलचित्रलाई ग्याङस्टार थि्रलर बिषयमा तयार पारिएको छ ।

सुरज सुनवारको लेखन तथा निर्देशनमा तयार भएको यो चलचित्रलाई समिर सुनवारले निर्माण गरेका हुन् । चलचित्रमा सौगात मल्ल, प्रियंका कार्की, अनुप बराल, सौरमराज तुलाधर, विजय लामा, नविन मानन्धर, ए गुरुङ लगायतका कलाकारको अभिनय रहेको छ । चलचित्रमा नरेन्द्र मैनालीको छायांकन, निमेष श्रेष्ठको सम्पादन, सुरेन्द्र डी कार्कीको संगीत, अष्ट महर्जनको द्वन्द र गोविन्द राइको नृत्य निर्देशन रहेको छ ।