(सेलिब्रेटी नेपाल) काठमाडौँ
रिलिजको पुर्वसन्ध्यामा नेपाली चलचित्र ‘अझै पनि’को भब्यरुपमा प्रिमियर सम्पन्न भएको छ । फागुन १५ गते रिलिज हुने यस चलचित्रको रिलिजको ३ दिन अगाडी मंगलबार राजधानीको बिग मुभिजमा प्रिमियर गरिएको हो । प्रिमियर कार्यक्रममा अझै पनि युनिट, नेपाली चलचित्र क्षेत्रका दिग्गज व्यक्तित्वका साथै विभिन्न क्षेत्रका विशिष्ट व्यक्तिहरुको उपस्थिति रहेको थियो । सो अवसरमा सदाबहार अभिनेता भुवन केसीको साथै नायिकाहरु निशा अधिकारी, केकी अधिकारी, प्रियंका कार्की, कृति भट्टराई, नम्रता श्रेष्ठ लगायतका कलाकारको उपस्थिती रहेको थियो । प्रिमियरमा स्व. निर्देशक आलोक नेम्बाङ्गकी आमा सुनन्दा तथा आलोकका भिनाजु तथा ‘अझै पनि’का कलाकार विजय लामाको पनि उपस्थिती थियो । आलोक ट्रष्टद्वारा पहिलो म्यूजिक भिडियो निर्देशक शम्भुजित बास्कोटालाई सम्मान मंगलवार आयोजित चलचित्र ‘अझै पनि’को प्रिमियर कार्यक्रममा ‘ट्रष्ट आलोक’ले नेपालको पहिलो म्यूजिक भिडियो निर्देशक शम्भूजित बास्कोटालाई सम्मान गरेको छ । नेपाली गीत-संगीतको इतिहासमा पहिलो पटक भिडियो बनाएका बास्कोटा अनवरत रुपमा नेपाली संगीत तथा चलचित्र क्षेत्रमा लागिपरेका व्यक्तित्व हुन् ।
सदाबहार नायक भुवन केसीले गाएको ‘मायालु तिमी टाढा भैदिनाले’ बोलको गीतको भिडियोलाई बास्कोटाले निर्देशन गरेका थिए । उक्त भिडियोमा भुवन केसीको नै अभिनय रहेको थियो । विजय उदय पाल्पालीका शब्दमा बास्कोटाले नै संगीत भरेका थिए भने भिडियोलाई जयसिंह शाहले छायांकन गरेका थिए । सुर्दशन थापा प्रोडक्सन तथा पुनम इन्टरटेनमेन्टद्वारा निर्मित चलचित्रमा सुर्दशन थापा, पुजा शर्मा, सुरक्षा पन्त, विजय लामा, प्रमिला खनाल, विपना धिमाल, विशाल ढुगांना, पुष्प खड्का, मिथिला शर्मा, रामशरण पाठक लगायतका कलाकारको अभिनय रहेको छ ।
सम्बधित पोस्टहरु
सौगातको‘बम बहादुर’को टिजर संगै प्रदर्शन मिति सार्वजनिक
काठमाडौं। अभिनेता सौगात मल्लको प्रमुख अभिनय रहेको नेपाली चलचित्र ‘बम बहादुर’को टिजर सार्वजनिक गरिएको छ । टिजर सार्वजनिक गर्दै यस चलचित्रको रिलिज मिति आगामी पुस ५ गतेलाई तोकिएको छ । यो चलचित्र नेपाल र भारतमा एकै दिन रिलिज हुँदैछ ।...
विपिन र मिरुनाको ‘ऊनको स्वीटर’ वैशाख २६ गते
काठमाडौं । विपिन कार्की र मिरुना मगरको शीर्ष भूमिका रहेको नेपाली चलचित्र ‘ऊनको स्वीटर’को अफिसियल पोस्टर सार्वजनिक गरिएको छ । केही महिना अघि सार्वजनिक गरिएको फर्स्ट लुक पोस्टरमा नयाँ ऊनको स्वीटर लगाएर फोटो खिच्नलाई पोज दिइरहेका...
पल र दिपिकाको ‘मायावी’ अब फागुन १४ गते
काठमाडौं । अभिनेता पल शाह र अभिनेत्री दीपिका प्रसाईको मुख्य भूमिका रहेको सिनेमा ‘मायावी’को प्रदर्शन मिति हेरफेर भएको छ । गत कात्तिक १५ गतेबाट पोस्टपोण्ड भएर पुष २६ गतेलाई प्रदर्शन मिति घोषणा गरिएको सिनेमा अब फागुन १४ गते...
‘परालको आगो’ मा सुहाना अनुबन्धित
काठमाडौं । कथाकार गुरुप्रसाद मैनालीको कृति ‘परालको आगो’ मा आधारित रहेर निर्माण हुने फिल्म ‘परालको आगो’ मा अभिनेत्री सुहाना थापा अनुबन्धित भएकी छन् । फिल्म निर्माण कम्पनी हरिओम सिने मेकर्सका तर्फबाट निर्माता सुशील पोखरेलले...
चलचित्र विकास बोर्डद्धारा ७२ जनालाई विशिष्ट श्रेणीको चलचित्रकर्मीको परिचयपत्र प्रदान
काठमाडौं । चलचित्र विकास बोर्डले ७२ जना चलचित्रकर्मीलाई विशिष्ट श्रेणीको चलचित्रकर्मीको परिचयपत्र प्रदान गरेको छ । संचार तथा सूचना प्रविधिमन्त्री पृथ्वीसुब्बा गुरुङ र संचारसचिव राधिका अर्यालले बुधबार विकास बोर्डको हलमा आयोजित...
‘अग्निदहन’ को राजधानीमा प्रिमियर सम्पन्न
काठमाडौं । भोलि शुक्रबारबाट रिलिज हुने फिल्म ‘अग्निदहन’ले बुधबार साँझ राजधानीमा प्रिमियर गरेको छ । प्रिमियरमा फिल्म हेरेपछि अधिकांश फिल्मकर्मीले कथावस्तु मनपरेको प्रतिक्रिया दिए । निर्देशक नारायण रायमाझीले गाउँमा अझै पनि बोक्सी...
