गायिका रेखा शाहको ग्ल्यामरस अवतार (भिडियो)

(सेलिब्रेटि नेपाल) काठमाडौँ
गायिका रेखा शाहले आफ्नो चर्चित गीत ‘सिमसिमे पानी’को नयाँ म्यूजिक भिडियो हालैमा सार्वजनिक गरेकी छिन् । रेडियो नेपालमा २१ बर्ष अघि नै यस गीत बाट चर्चा बटुलेकी गायिकाले गीतलाई पुनः रेकर्ड गरेर नयाँ म्यूजिक भिडियो बनाएकी हुन् ।

नेपाली गीत भएता पनि हलिउड स्वरुपमा ढालिएको भिडियोमा घोडालाई प्रतीकात्मक रुपमा प्रस्तुत गरिएको पाईन्छ । नेपाली सांगीतिक जगतमा अत्यन्त रुचाइएको यस गीतको नयाँ भिडियोमा गायिका रेखालाई ग्ल्यामर अवतारमा देखाइएको छ । नितिन चन्दले निर्देशन गरेको भिडियोमा; शब्द, संगीत स्वंय गायिकाकै रहेको छ भने नयाँ भिडियोमा रेखासहित अमिर शेखको अभिनय देख्न पाइन्छ ।