झिग्राना आफिसियल भिडियो रिलिज

(सेलिब्रेटि नेपाल)काठमाडौँ
फागुन २२ गते बाट प्रदर्शनमा आउन लागेको चलचित्र ‘झिग्राना’को आफिसियल भिडियो रिलिज भएको छ । सन्तोष शाहीको शब्द र स्वर रहेको उक्त गीतमा संगीत इमान शाहको रहेको छ ।

गोल्डेन याक इन्टरटेनमेन्टको व्यनरमा निर्माण भएको नेपाली चलचित्र ‘झिग्राना’ मा एक गैह्रसरकारी संस्थाका कर्मचारीहरुको समूहले नेपालको दुर्गम भागमा काम गर्ने क्रममा भोग्ने रहस्यमय घटनाहरुलाई उतारिएको छ । पासांग लामाको लेखन तथा निर्देशन रहेको चलचित्रमा हना गेस्चिव्स्की, निकुन श्रेष्ठ, मेनुका प्रधान, ज्योती कार्की, शान्ती गिरी, दिवाकर पिया, बिना पाण्डे, अरुण रेग्मीको मुख्य भूमिका रहेको छ । चलचित्रमा शैलेन्द्र डी कार्कीको छायांकन, निमेश श्रेष्ठको सम्पादन रहेको छ ।