नाचन राम्रो गाउनेलाई एक लाख पुरस्कार

(सेलिब्रेटि नेपाल)काठमाडौँ

गोल्डेन याक इन्टरटेनमेन्टको व्यनरमा निर्माण भएको नेपाली चलचित्र ‘झिग्राना’ले आफ्नु ट्रेलर सार्बजनिक गरेको छ । काठमाडौँमा आज प्रत्रकार सम्मेलन गरी चलचित्रको ट्रेलर संग-सगै अडियो सिडि बिमोचन तथा पोस्टर रिलिज गरिएको छ । गोल्डेन याक इन्टरटेनमेन्टको प्रथम चलचित्र भनिएको यस चलचित्रमा एक गैह्रसरकारी संस्थाका कर्मचारीहरुको समूहले नेपालको दुर्गम भागमा काम गर्ने क्रममा भोग्ने रहस्यमय घटनाहरुलाई उतारिएको छ । चलचित्रको मुख्य गीत भनिएको “नाचन…” बोलको गीतको लागि एक प्रतिस्पर्धा नै राखिएको छ । चलचित्रको उक्त गीत गाएर पठाउने मध्ये उत्कृष्टलै नगद एक लाख पुरस्कार राखिएको गोल्डेन याक इन्टरटेनमेन्टले जनाएको छ ।

पासांग लामाको लेखन तथा निर्देशन रहेको चलचित्रमा हना गेस्चिव्स्की, निकुन श्रेष्ठ, मेनुका प्रधान, ज्योती कार्की, शान्ती गिरी, दिवाकर पिया, बिना पाण्डे, अरुण रेग्मीको मुख्य भूमिका रहेको छ । चलचित्रमा शैलेन्द्र डी कार्कीको छायांकन, निमेश श्रेष्ठको सम्पादन, इमान विक्रम शाहको संगीत तथा पाश्र्वगायन छ । चलचित्र फाल्गुन २२ बाट प्रदर्शनमा आउने भएको छ ।