तीजलाई लक्षित गर्दै आयो बिनोद ढकालको ‘झुम्का कस्तो छ’

काठमाडौं । नेपाली महिलाहरूको महान पर्व हरितालिका तीज नजिकिँदै गर्दा तीज विशेष गीत सार्वजनिक गर्ने क्रम तीव्र बनेको छ। यसै क्रममा गायक तथा सर्जक बिनोद ढकालको नयाँ तीज गीत ‘झुम्का कस्तो छ’ सार्वजनिक गरिएको छ।

गीतमा शब्द तथा संगीत बिनोद ढकालकै रहेको छ भने गायिका सीमा नेपाली र रिया सुनारले स्वर दिएका छन्। दिनेश सिंह ठकुरीको निर्देशनमा तयार भएको म्युजिक भिडियोमा जुना कार्की, बिनोद ढकाल र जुनु रिमाल फिचर्ड छन् । भिडियोको कोरियोग्राफी प्रेम दर्नालले गरेका छन् भने सरोज ठाकुरीले छायांकन तथा राजेश कुमारले सम्पादन र रङ संयोजन गरेका हुन्।

‘झुम्का कस्तो छ’ तीजको मौलिक संस्कृति, उत्सव र मनोरञ्जनलाई केन्द्रमा राखेर तयार पारिएको गीत हो। आकर्षक भिडियोसहित सार्वजनिक गरिएको गीतले दर्शक तथा श्रोताबाट सकारात्मक प्रतिक्रिया पाइरहेको निर्माण पक्षले जनाएको छ। गीत बिनोद ढकालको अफिसियल युट्युब च्यानलमार्फत सार्वजनिक गरिएको हो।