काठमाडौं । नेपालको पहिलो प्रतिष्पर्धात्मक राष्ट्रियस्तरको लोकदोहोरी गायन रियालिटी शो ‘लोकदोहोरी स्टार सिजन १’ अन्तिम चरणका लागि उत्कृष्ट ८ प्रतिष्पर्धी छानिएका छन् । यो शो एभेन्टोज डिजिटलले आयोजना गरेको हो ।
आयोजकका अनुसार अन्तिम चरणमा स्याङ्जाका लिलबहादुर थापा मगर, धादिङकी रितु कुमाल, धादिङका अमृत जर्घा मगर, दोलखाकी निशा लामा, बाँकेका मानव रावत क्षेत्री, चितवनका नरन पौडेल, कास्कीका अनिल चापागाईं र दोलखाका दीपक थापा मगर छानिएका छन् ।
शोको फिनाले आगामी चैत १७ गते काठमाडौंमा हुनेछ । आयोजकका अनुसार देशका जिल्लाबाट सहभागी भएका गायक गायिकाहरूले आफ्ना जिल्लाको प्रतिनिधित्व गर्दै नेपाली लोकदोहोरी संगीतलाई राष्ट्रियस्तरमा चिनाउन महत्वपूर्ण योगदान दिएका छन् । आयोजकले नेपाली लोक संगीतका नयाँ प्रतिभालाई राष्ट्रिय मञ्चमा प्रस्तुत गर्ने उद्देश्यका साथ कार्यक्रम सञ्चालन गरेको जनाएका छन् ।
