(सेलिब्रेटी नेपाल) काठमाडौँ
हाँस्य कलाकार केदार घिमिरे रियल लाइ नामले जतिले चिन्छन, त्यो भन्दा बढी ‘माग्ने बुढा’ भनेर चिन्छन । सानो पर्दामा चर्चित यो नामसँगै अर्को नाम पनि जोडिएर आउँछ, ‘मैयाँ’। यो बीचमा माग्ने बुढा र मैयाँको सानोपर्दाको हिट जोडीले माया प्रेमको गन्थन अनि विवाह गर्न नपाएको दुखेसो पोखेको भिडियो सार्वजनिक भएको छ । भिडियोमा निर्देशक संकर बिसीले यो जोडीलाई रमाईलो पाराले प्रस्तुत गरेका छन् ।
एकसमय हाँस्य टेलिश्रृङ्खला ‘मेरी बास्सै’को चर्चित यो जोडीलाई कम्मर मर्काउने तथा लुकामारी गर्ने अवसर श्रीदेवी देवकोटा र प्रकाश कटुवालको स्वर रहेको ‘चोर बिरालो’ बोलको गीतले जुरेको हो । देवकोटा र कटुवालको मनछुने स्वर रहेको यो भिडियोमा यो जोडीसँगै अर्का चर्चित हाँस्य कलाकर सुरविर पण्डितलाई पनि देख्न सकिन्छ । गीतमा बिनोद ढकालको शब्दमा सागर ढकालले संगीत भरेका छन् ।
