अर्को बलिउड चलचित्रको छायाँकन नेपालमा

(सेलेब्रटी नेपाल)काठमाडौँ
नेपाली हस्तीहरु बलिउडमा अभिनय गर्ने क्रम र नेपाली चलचित्र बिदेशमा छायाँकन हुने क्रम बडे संगसंगै हिन्दि चलचित्रहरु पनि नेपालीमा धमाधम छायाँकन भैरहेको छ । पछिल्लो समय अक्षय कुमारको अभिनय रहेको चलचित्रको पनि केहि अंश नेपालमा छायाँकन भएको थियो भने अहिले अर्को बलिउड चलचित्र पनि नेपालमा छायाँकन हुने भएको छ ।

‘यारा’ नाम जुराइएको उक्त चलचित्रको यही २९ तारिक देखि नेपालमा छायाँकन सुरु हुने भएको छ । काठमाडौँको रमणीय स्थलहरु भक्तपुर, नगरकोट, पाटनमा छायाँकन हुने चलचित्रमा श्रुति हसन र बिध्दुतको मुख्य भूमिका रहेको छ । दिग्मासु धुलियाको निर्देशनमा बन्न लागेको चलचित्रलाई अजुरी इन्टरटेनमेन्ट कम्पनीले निर्माण गर्ने भएको छ भने नेपालको लागि पुण्य लक्ष्मी मेडिया, केशव घिमिरेले ब्यस्थापन जिम्मा लिएका छन् ।