दांगबाट काठमाडौँमा गायिका बन्ने संघर्षमा सबिना

(सेलिब्रेटी नेपाल) काठमाडौँ
दांग तुलशीपुरबाट काठमाडौँ झरेकी नव गायीका सबिना भट्टराईको एकल एल्बम चाडैनै बजारमा आउने भएको छ । ६ वटा गीत समाबेश गरिएको उक्त एल्बमको २ वटा गीतको म्युजिक भिडीयो तयार भइ सकेको छ । सन्तोष श्रेष्ठ, हरि लम्साल, बिपिन आचार्य, बिपिन घिमिरे, गोविन्द मधुर आचार्य जस्ता संगीतकारको संगीत रहेको उक्त एल्बममा सुनिल केसी, लोकराज अधिकारी, बिनोद गिरि, सशी शर्मा मैजगैया, अनिमा बैद्यहरुको शब्द रहेको छ ।

आधुनिक गीतमा बढी रुची राख्ने भट्टराईले फरक शैलीको लागि फरक संगीतकार रोझेको छिन् । संगीत सिक्न जरुरी रहेको तर आफुले भने नसिकेको बताउने भट्टराईले दांगकै संगीतकारहरुको सहयोगले गर्दा एल्बम निकाल्न सहज भएको बताइन् । नेपाली संगीत बजारमा एल्बम नचलेको अवस्थामा आफुले रिस्क उठाएको भन्ने गायीकाले नामको लागि काम गरेको पनि थपिन् । सुरुमा एल्बम निकाल्ने सोच नभएको तर भविस्यमा भने सफल गायीका बन्ने भट्टराई बिवाह पछि पनि आफ्नो कामलाई अघि बढाउने सोच रख्दछिन् । ‘नेपाली सेलिब्रेटीहरु बिबाह पश्चात यो क्षेत्र बाट पलायन हुने गर्दछन् तर म आफू लाइ यो क्षेत्रमा रही रहने बाताबरणको सृजना गर्नेछु’ उनि भन्छिन ।