रामकृष्ण ढकाल र काजोल कार्कीको रोमान्टिक गीत ‘यो माया बसेर होकी’


काठमाडौँ। लोकप्रिय गायक रामकृष्ण ढकाल र काजोल कार्कीको सुमधुर स्वरमा रहेको नयाँ गीत भिडियो सार्वजनिक गरिएको छ। सार्वजनिक ‘यो माया बसेर होकी’ बोलको गीतमा अर्जुन पोखरेलको शब्द तथा संगीत रहेको छ। सार्वजनिक गीतमा कुशल सिंहको संगीत संयोजन रहेको छ। रोमान्टिक गीतको भिडियोमा गायक रामकृष्ण ढकाल र काजोल कार्की फिचर्ड छन्। नेपाली संगीत क्षेत्रमा सम्भावना बोकेर काजोल कार्कीको प्रवेश भएको छ। गायक ढकाल संगको युगल गायन केमेस्ट्री मिलेको छ।

सुनील क्षेत्रीको निर्देशनमा बनेको भिडियोमा अबि वाग्लेको कोरियोग्राफी रहेको छ। दुर्गा पौडेलले छायाँकन गरेको भिडियोलाई बिकाश ज्ञवालीले सम्पादन गरेका छन्। भिडियो म्युजिक नेपालको अफिसियल यु ट्युव च्यानल मार्फत सार्वजनिक गरिएको छ।