काठमाडौं। फिल्म ‘रणवीर’बाट अभिनय यात्रा थालेकी सुपुष्पा भट्ट नयाँ फिल्म ‘पिताम्बर’मा फरक भूमिकामा देखिन लागेकी छन्। चञ्चले चरित्रमा देखिएकी उनी यसपटक ‘बिहानी’ नामक गम्भीर पात्रको भूमिकामा प्रस्तुत हुँदैछिन्।‘बिहानी निर्दोष पात्र हुन्, तर उनी कसरी विधुवा हुन्छिन् भन्ने फिल्म हेरेर मात्र थाहा पाइन्छ,’ सुपुष्पाले भनिन्। फिल्मका सह निर्माता पुरुषोत्तम प्रधानले स्क्रिप्ट सुनाएपछि मात्र अभिनय गर्ने निर्णय गरेको उनले खुलाइन्। ‘पहिले योजना थिएन, तर स्क्रिप्ट र मेरो चरित्रले मलाई तान्यो,’ उनले भनिन्।
फिल्ममा अभिनय गरेपछि विधुवा महिलाको जीवनबारे गहिरो बुझाइ प्राप्त गरेको बताउँदै सुपुष्पाले भनिन्, ‘विधवाको जीवन चुनौतीपूर्ण हुन्छ, तर अहिले महिलाहरू सशक्त बन्दै गएका छन्।’एक्सन फिल्ममा विशेष रुचि राख्ने सुपुष्पाले भविष्यमा यस्तै भूमिकामा काम गर्ने चाहना व्यक्त गरिन्। उनले अभिनय गरेको चलचित्र पिताम्बर चैत्र २९ गते प्रदर्शनमा आउदै छ ।
सुपुष्पाको डेब्यू फिल्म ‘रणवीर’ एक्सन बेसमा नै थियो । ‘रणवीर र पिताम्बरको जनरा एउटै भए पनि कथा फरक छ । मेरो क्यारेक्टरमा बिल्कुलै फरकपन पाउनुहुनेछ’, उनी भन्छिन् ।
फिल्मका सह–निर्माता पुरुषोत्तम प्रधानले बोलाएर स्क्रिप्ट सुनाएपछि उनी फिल्ममा काम गर्न सहमत भएकी रहिछन् । ‘यो फिल्ममा काम गर्छु भनेर पहिले नै योजना थिएन । स्क्रिप्ट सुनेपछि नाइँ भन्न सकिनँ । वान लाइन र मेरो क्यारेक्टरले तान्यो’, सुपुष्पा खुल्छिन् ।
सुपुष्पाले ‘पिताम्बर’मा अभिनय गरेपछि विधवाको जीवनलाई केही बुझेकी रहिछन् । ‘नेपाली समाजमा बसिसकेपछि विधवाको जीवन बाँच्न गाह्रो हुँदो रहेछ । आफूलाई माया गर्ने मान्छे नै नहुँदा गाह्रो पक्कै हुन्छ । यो फिल्ममा काम गरेपछि मैले केही बुझें । अहिले त महिलाहरुले आफ्नो स्ट्याण्ड लिनुभएको छ । उहाँहरु माथि पनि आइरहनुभएको छ’, उनी भन्छिन् ।
उनी मल्टिस्टार फिल्म ‘पिताम्बर’मा जोडिन पाउनु आफ्नो लागि भाग्यशाली ठान्छिन् । ‘आफ्नो पात्रमा गर्न सक्ने हो कि होइन भन्ने कुराले सुरुमा मलाई गाह्रो भएको थियो । तर मल्टिस्टार फिल्ममा मैले यतिको स्पेस पाएँ भनेर आफूलाई भाग्यशाली ठानेकी थिएँ । यति धेरै कलाकारमा म पनि एउटा छु है भन्नेमा गर्व छ’, उनी भन्छिन्, ‘तर काममा प्रेसर चाहिँ हुँदो रहेछ । सबैको कलाकार राम्रो अभिनय गर्ने हुनुहुन्छ । मेरो अभिनय चाहिँ कताबाट चिप्लिने हो कि भन्ने डर थियो । आफू तयारी अवस्थामा रहेपछि त्यो डर हराउँदो रहेछ ।’
सुपुष्पाको बुझाईमा राम्रो भिजन भएको मान्छेले फिल्म बनाउन सजिलो हुन्छ । ‘महिला र पुरुष निर्देशक भन्दा पनि निर्देशक भनेको निर्देशक नै हो । राम्रो भिजन भएको मान्छेले फिल्म बनाउन सजिलो हुन्छ । आफ्नो भिजन बुझेको र कस्तो फिल्म बनाउने भन्ने थाहा पाएको निर्देशकसँग काम गर्न पाएँ । मलाई धेरै सजिलो भयो’, उनी भन्छिन् । सुपुष्पालाई एक्सन फिल्ममा काम गर्न मन रहेछ । ‘एक्सन फिल्ममा आफैले एक्सन गर्न मन छ । यो पहिलोदेखि कै इच्छा हो । त्यस्तो फिल्मको अफर आयो भनेर स्क्रिप्ट र आफ्नो क्यारेक्टर हेरेर निर्णय लिन्छु’, सुपुष्पा भन्छिन् ।
