सुमन आफ्नी प्रेमिका निशाको लागि जले(भिडियो)

(सेलिब्रेटी नेपाल) काठमाडौँ
पछिल्लो समयमा चर्चित रहेको गीत ‘गौरादहको बजारैमा’का गायक उजन नेम्बाङको चौथो एल्बम ‘तस्वीर’ मा रहेको ‘तिमीलाई खुशी मिल्छ भने’ बोलको गीतको भिडियो सार्बजनिक भएको छ। भिडियोमा नायक सुमन आफ्नी प्रेमिकाका लागि जलाई दिने कुरा गरिरहेका छन्। उजन र गायिका रजिना रिमालको स्वरमा सजिएको यो गीतमा उजनको आफ्नै शब्दमा रोशन लामाले संगीत भरेका हुन्। यस म्युजिक भिडियोलाई बसन्त निरौलाले निर्देशन गरेका हुन् भने रामेश्वर कार्कीले खिचेका हुन्।

उजनले यसअघि सन् २००७ मा ‘फ्रेण्डसिप’, सन् २०१२ मा ‘अन्तराल’ र सन् २०१३ मा ‘तनाब’ श्रोतालाई दिईसकेका छन्। दोस्रो एल्बम ‘अन्तराल’मा रहेको ‘रुवायो निष्ठुरी मायाले’ र ‘पोखराको तालमा घुम्न हामी जाउँ’को भिडियो दर्शकले निकै मनपराएका थिए भने ‘तनाब’ एल्बममा रहेको ‘गौरादहको बजारैमा’ गीतको भिडियो पनि निकै चलेको थियो।