काठमाडौंँ । लोकप्रिय गायक युवराज चौलागाईंको नयाँ गीत ‘शिरफूले माया’ सार्वजनिक गरिएको छ । लोक आधुनिक शैलीमा तयार गीतले प्रेमकथा ब्यक्त गर्छ ।
राजकुमार बगरको शब्द, संगीत रहेको गीतमा युवराजलाई गायिका अनुष्का पाठकले स्वरमा साथ दिएकी छन् । गीतको एरेन्ज कमल सौरागले गरेका हुन् ।
सान थापा निर्देशित गीतको भिडियोमा युवराज सहित प्रभात पल ठकुरी, विजय पुन, अञ्जली अधिकारी, सुशिल थापा र अनुष्काको अभिनय छ । भिडियोमा राजीव समरको नृत्य निर्देशन छ । बुद्ध थापाको छायांकन, विवेक सुनुवारको सम्पादन रहेको भिडियोको कलर सुप्रिम पराजुलीले गरेका हुन् ।
लोक र आधुनिक शैलीमा आफूले पहिलोपटक गाएको गायक चौलागाईंले बताए । चौलागाईं आधुनिक र फिल्मको पाश्र्व गायनबाट बढी चिनिएका गायक हुन् । ‘शिरफूले माया ’ले लोक र आधुनिकमा पनि चिनाउने उनको बिस्वस रहेको छ । उनकै युट्युव च्यानलबाट सार्वजनिक गीत गण्डकी प्रदेशमा प्रसिद्ध शीरफूले भाकामा बुनिएको भएकोले सबैले मनपराउने अपेक्षा गरिएको छ ।
