काठमाडौँ। अमेरिकामा रहेर पनि गायिका रानी शाक्य निरन्तर गीत संगीतमा सक्रिय छिन् । दर्शकमाझ नयाँ नयाँ गीत सार्वजनिक गर्दै आएकी रानीले फेरि अर्को एक रोमान्टिक गीत सार्वजनिक गरेकी छिन् ।
प्रेममा परेपछि एक यूवतीको मनमा उब्जिने विभिन्न भावनामा आधारित रहेर ‘तिम्रो मायाँमा’ बोलको गीत रानीले सार्वजनिक गरेकी हुन् ।
गीतमा आकाश केएमको शब्द तथा संगीत छ । सार्वजनिक यो गीतमा मोडलद्धय सम्राट अधिकारी र लालना चिमरियाको अभिनय हेर्न सकिन्छ । गीतको भिडियोमा लालनालाई सम्राटका लागि तड्पिएको देख्न सकिन्छ । शिशिर खत्रीको निर्देशनमा तयार भएको यो भिडियोमा दिनेश पराजुलीको कोरियोग्राफी, दिन्सन शाहको सम्पादन छ ।
