काठमाडौँ – गायक शिव परियारको आवाजमा ‘तिमीलाई अझै धर्म लाग्छ’ बोलको गीत भिडियो सहित सार्वजनिक गरिएको छ । जी. एम. दिपु दिपेन्द्र युटुव च्यानलमा रिलिज गरिएको गीतमा आश्मा गिरि र अनुप जंग थापा ( विचित्र ) को अभिनय रहेको छ। प्रेमी प्रेमीका बीच माया, प्रेम र शंकाले जीवनमा पर्ने उतार चढावलाई समेटेर बनाइएको गीत निकै नै मर्मस्पर्शी रहेको छ।
संचारकर्मी त्रिसा केसीको निर्देशनमा बनेको गीतमा जी. एम. दिपु दिपेन्द्रको शब्द, राजकुमार बगरको संगीत तथा मिक्सिङ्ग र मास्टरिङ्ग, मुकुश हुमागाँई र टिमको छायांकन, मिन रावलको सम्पादन तथा कलरिङ्ग रहेको छ। आश्मा र अनुपलाई अभिनयमा लिजन बराईली र श्रीजन सुनारले बाल कलाकारका रुपमा साथ दिएका छन।
