काठमाडौंँ । ऋषिराज आचार्यको निर्देशनमा बनेको चलचित्र ‘द्रौपदी’ को फष्टलुक सार्वजनिक गरिएको छ । घटस्थापनाको दिनको अवसर पारेर चलचित्रको फष्टलुक पोष्टर सार्वजनिक गरिएको हो । पोस्टरमा हिमाली भेगको गाउँमा एक युवतीले पानीको घैटो कम्मरमा बोकेको देख्न सकिन्छ ।
चलचित्रमा ऋषिराज आचार्य, आश्विनी शाही, रवि ओड, कविराज भाम, जेल्सन अधिकारी, सुजाता तिमल्सिना, बिस्णु ठडराई (सुबास), प्रकाश ज्ञवाली, सीता बौडेल, सुरज अधिकारीलगायतको अभिनय छ । रवि ओडको संगीत रहेको चलचित्रमा मोहनकुमार झिल्लुको छायाङ्कन छ ।
निर्देशक आचार्य र प्रकाश ज्ञवालीले मिलेर निर्माण गरेको चलचित्रमा कथा, पटकथा, संवाद र गीत समेत निर्देशक आचार्यको रहेको छ । यस चलचित्रबाट आस्विनी शाही, जेल्सन अधिकारी, सुजाता तिमल्सिनाले अभिनयमा डेब्यु गर्दैछन् । चलचित्रको प्रदर्शन मिति घोषणा हुन बाँकी छ ।
