काठमाडौं। ‘परदेशी’, ‘मैदान’, ‘जीवनदाता’, ‘जय शिव शङ्कर’, ‘निगरानी’, ‘बडीगार्ड’, ‘लभ सब’, ‘राधे’, ‘यात्रा’लगायतका चलचित्र निर्माण गरेका निर्माता सुशील पोखरेलले नयाँ चलचित्र घोषणा गरेका छन्।
उनले मङ्गलवार सामाजिक सञ्जालमार्फत ‘बन्दी’ शीर्षकमा चलचित्र बनाउने घोषणा गरेका हुन्। उनले यो चलचित्रलाई ‘बुलाकी’ निर्देशक लक्ष्मण सुनारलाई निर्देशकिय जिम्मा लगाएका छन्। सुशील देवकोटाको लेखन रहने चलचित्रको हाल कथामा काम भइरहेको र केही महिनापछि छायाङ्कन सुरु गरिने बताइएको छ। चलचित्रका कलाकार तथा अन्य टिमको बारेमा अहिले कुनै जानकारी दिइएको छैन। कुनै समयका सक्रिय निर्माता पछिल्लो केहि बर्ष अलिक सुस्ताएका थिए,अब निरन्तर चलचित्र निर्माणमा लाग्ने पोखरेलले बताए।
