काठमाडौँ । गायिका सीता सिङ्गक लिम्बूको नयाँ गीत ‘नरुनु तिमी’काे भिडियो सार्वजनिक गरिएको छ । आफ्ना दिवङ्गत दाजु जोन सुब्बा (भक्ति सिंगक) को शब्द रचना रहेको गीत उनले रेकर्ड गराएकी हुन् ।
एकान्त आङदेम्बेको संगीत रहेको गीतमा सिङ्गककै अभिनय रहेको छ । हाङ चेम्जोङको निर्देशनमा बनेको भिडियाेमा युवराज राई (बीर बहादुर) को छायांकन, रीतु वनेम (मिङसारा) को मेकअप ,राजु कार्कीको संगीत संयोजनमा रहेको छ ।
१२ वर्षअघि निधन भएका स्व. सिङ्गकले गीतलाई डायरीमा राखेका थिए । अभिनयमा समेत रुचि राख्ने उनले आफ्ना बहिनी सीतासँग यहीँ गीतमा काम गर्ने याेजना बनाएको कारण गीत सार्वजनिक गरिएको दिदी लीला सिङ्गकले जनाइन् । भिडियो फेदापहाङमा युट्यूव च्यानलबाट सार्वजनिक गरिएको हो ।
