काठमाडौँ। आगामी जेठ २५ गतेबाट प्रदर्शनमा आउने तयारीमा रहेको सिनेमा ‘लण्डन टु पेरिस’ को टिजर सार्वजनिक गरिएको छ। शुक्रबार सार्वजनिक टिजरमा प्रेम, रोमान्स, नोकझोंक र विछोडको कथा देखाइएको छ।
घनश्याम लामिछानेको निर्देशन रहेको योसिनेमामा साम्राज्ञी राज्यलक्ष्मी शाह, निश्चल खड्का, कवीर खड्का र गरिमा शर्मा मुख्य भूमिकामा छन्। निश्चल र गरिमाको यो डेब्यु सिनेमा हो।
सिनेमाको कथा, पटकथा र संवाद प्रदीप भारद्वाजले लेखेका हुन्। अमित बस्नेतले निर्माण गरेको सिनेमामा आरोन बस्नेत, एरियाना बस्नेत र परी राना निर्माता छन्।
एबी इन्टरनेश्नलको प्रस्तुति रहेको सिनेमामा गौतम प्रोडक्शन र अर्चिड भेस फिल्मस् लिमिटेडको निर्माण सहकार्य छ।
सनिश खकुरेल र अजित केआर थापा सह–निर्माता रहेको सिनेमामा अंकित गौतम, सुरज कुँवर र विजय भण्डारी कार्यकारी निर्माता छन्। रोहित कट्टेल र रत्न श्रेष्ठको आरआर फिल्मस्ले सिनेमालाई नेपालभर वितरण गर्नेछ।
सिनेमामा अभेद परव र कुनाल कदमको डिओपी, हर्कुलश बस्नेत, एसडी योगी, बियोण्ड र सलिन मगरको संगीत, सजु चन्द्रनको सम्पादन, सुजिल कर्माचार्यको पाश्र्व संगीत, लङ्गनेस फर्नान्डेजको कोरियोग्राफी छ।
