काठमाडौँ। पोखरा आस पासका क्षेत्रमा धमाधम सुटिङ भईरहेको पान ईन्डिया फिल्म ‘सत्य मगला’ मा निर्माता राजेन्द्र घिमिरेले पनि अभिनय गरेका छन् । थुप्रै दक्षिण भारतिय फिल्महरु नेपाल ल्याएर सुटिङ गराउने घिमिरेले हाल सालै मात्र कमल हसनको ‘इन्डियन-२’ को काम सकेका छन् । लाइन प्रोड्युसरको रुपमा काम गर्दा गर्दै एक्जुकेटिभ प्रोड्युसर बनेका राजेन्द्र घिमिरे अब साउथ इन्डियन फिल्म तमिल, तेलगु, मल्यालम र मराठि फिल्ममा अभिनय पनि जम्न थालेका छन् ।
निर्देशकहरु आर्यन ,स्टीभन एम.जोशिश र नेपाल सेड्युलका को- डाइरेक्टर जनक दीप पराजुली रहेको ‘सत्य मगला’ नेपाल लगायत भारत ,श्रीलंका तथा थाइल्यान्डमा सुटिङ हुनेछ।
दक्षिण भारतिय कलाकारहरु प्रभु देभा, आर्यन ,शंकर , शाहि तन्शिखा ,राजेन्द्र घिमिरे र पोखराका सोनिया आरएल शाही र आरोही आरएल लगायतले अभिनय गरेका छन ।
एक्जुकेटिभ प्रोड्युसर तथा कलाकार राजेन्द्र घिमिरेका अनुसार यो फिल्म डिसेम्बर महिनामा रिलिज हुनेछ। दक्षिण भारतिय अन्य ३ फिल्महरु नेपालमा ल्याएर सुटिङ गराउने तयारी गरि रहेका घिमिरे र नेपालका निर्देशक जनक दीप पराजुली व्यावसायिक साझेदार र अभिन्न मित्र पनि हुन् । घिमिरेले बिगत दुई दशक देखि भारत र नेपालमा छायांकनको प्रबन्ध मिलाउदै आई रहेका छन्। नेपालमा बिदेशी फिल्महरुको छायांकन हुनुमा घिमिरेको ठुलो योगदान रहेको छ। नेपालमा बिदेशी फिल्म छायांकनले गर्दा नेपालमा आउने पर्यटकको संख्यामा पनि बृद्दी हुनेछ।
