काठमाडौं । नेपालकै पहिलो तथा मौलिक हाँस्य रियालिटी शो ‘कमेडी च्याम्पियन सिजन ३’ मा चाइल्ड कमेडियन सुयशा खनालले आफूलाई सक्दो भोट गरिदिन अपिल गरेकी छन् ।
एकपछि अर्को धमाकेदार प्रस्तुति दिएर टप सेभेन सम्म पुगेकी उनले अब आफूलाई टप सिक्समा पुर्याउन अपिल गरेकी हुन् । दुई पटकसम्म पफर्मर अफ दी राउण्ड भएर उनले आफूलाई कमेडिमा अब्बल साबित गरिसकेकी छन् । उनका हरेक प्रस्तुति दर्शकले असाध्यै रुचाएका छन् । उनले गतसाता मात्रै टप सेभेनको प्रस्तुति दिएकी हुन् ।
अहिले टप सिक्समा पुग्नका लागि भोटिङ भइरहेको छ । नेपालको कमेडियन इतिहासमै कान्छी कमेडियनको दर्जामा आफूलाई उभ्याउन सफल सुयशाले स्वदेश तथा विदेशमा रहेका नेपालीहरुलाई भोटको अपिल गरेकी हुन् । प्रतिभालाई उमेरले छेक्दैन भन्ने ज्वलन्त उदाहरण बनेकी उनलाई जजहरुले पनि औधी मन पराएका छन् ।
सानै उमेरमा जिज्ञाशु स्वभावकी सुयशाले छोटो अवधिमा दर्शकको मन जित्न सफल भएकी हुन् । यसपछिका सबै राउण्डमा आफ्नो प्रतिभासँगै दर्शकहरुको भोटको आवश्यकता पर्ने भएकोले कान्छी कमेडियनका हिसाबले आफूलाई सबैले माया गर्ने उनको विश्वास छ । उनी नवलपरासीकी हुन् ।
खल्ती एप्समा कमेडि च्याम्पियन सुयशा खनाल भोटिङ कोड ३३० मा गई भोट गर्न सकिनेछ ।
