काठमाडौँ। सञ्चारकर्मीहरूका लागि ५ दिने चलचित्र एप्रीसियसन कार्यशाला सम्पन्न भएको छ । धुलिखेलमा पाँच दिन अघि सुरु भएको कार्यशाला आज समापन भएको हो।
कार्यक्रम बागमती सञ्चार रजिष्ट्रारको कार्यालय आयोजना र नेपाल चलचित्र पत्रकार संघको संयोजनमा भएको हो । यस कार्यक्रमकोबागमती सञ्चार रजिष्ट्रार रेवती सापकोटाले उद्घाटन गरेका थिए।
चैत २१ गतेबाट सुरु भएको तालिममा बागमती प्रदेशमा क्रियाशिल २१ पत्रकारहरू सहभागी थिए। सहभागीलाई पत्रकार, चलचित्र निर्माता प्रशिक्षकद्धय अनुप सुवेदी र अरुण देव जोशीले सैद्धान्तिक र व्यवहारिक प्रशिक्षण दिएका छन्।
तालिममा सहभागिहरूलाई चलचित्रको विकासक्रम, चलचित्रमा प्रयोग हुने प्राविधिक पक्षको बारेमा जानकारीसँगै चलचित्र विकासका कोशेढुंगा हुन सफल ऐतिहासिक चलचित्रहरूसमेत देखाइएको सहभागीहरुले जानकारी दिए।
