काठमाडौं । गायक तथा संगीतकार नन्दु गुरुङको स्वरमा रहेको गीत ‘मुटु त ढुक ढुक कलेजो भ्याट भ्याट’ को भिडियो सार्वजनिक भएको छ । गीतमा कुमार गुरुङको शब्द, सिद्धान्त खड्काको एरेन्ज र राजीव शाहको मिक्सिङ तथा मास्टरिङ छ ।
भिडियोमा सरोज प्रजा र बिना राउतसँगै विवेक, प्रितम, दावा र रुपक फिचर्ड छन् । बिनालाई देखेपछि दृष्टिविहिन बनेको नाटक गरेका सरोजको कर्तुत थाहा पाएपछि रिसाएकी बिनालाई सरोजले फकाउन गरेको प्रयासलाई भिडियोमा देखाइएको छ ।
आइ क्याच स्टुडियोमा पोस्ट प्रोडक्सन गरिएको भिडियोमा विशाल थापाको छायांकन, दिन्सन शाहको सम्पादन र कलर तथा रोशन विश्वकर्माको कन्सेप्ट, कोरियोग्राफी र निर्देशन छ । भिडियो सरोज प्रजाकै अफिसियल युट्युब च्यानलबाट सार्वजनिक गरिएको हो ।
