“कम्बल के नीचे क्या हे” मा मनिषाले कम्मर मर्काउने

फिल्म ‘खलनायक’मा ‘चोली के पीछे क्या हे’ लाई समाबेश गरेर बलिवुडमा सनसनी मच्चाएका निर्माता-निर्देशक सुभाष घईले आफ्नो आगामी फिल्म ‘काँची’मा पनि एक त्यस्तै आइटम गीतलाई समाबेश गर्ने भएका छन्।

भारतीय सञ्चारमाध्यहरुका अनुसार निर्देशक घईले आफ्नो नयाँ फिल्ममा राख्न लागेको उक्त गीतको बोल ‘कम्बल के नीचे क्या हे’ रहेको छ। आगामी डिसेम्बर ६ तारिखमा रिलिज हुने बलिउड फिल्म ‘काँची’को उक्त आइटम गीतमा अभिनेत्रीहरु मनिषा कोइराला, महिमा चौधरी लगायत देखिनेछन् । तर, ‘खलनायक’की हिरोइन माधुरी दीक्षित भने यसमा नहुने बताइएको छ। त्यस्तै उक्त गीतमा अभिनेताहरु ऋषि कपुर र मिथुन चक्रवती समेत देखिनेछन् भने उनीहरुका साथमा अन्य डान्सरहरुको एक टोली समेत हुनेछन्।