बितेका पलको फस्ट अफिसियल ट्रेलर सार्वजनिक(भिडियो)

(सेलिब्रेटी नेपाल) १२ भाद्र-पुस २६ गतेबाट अल नेपाल प्रदर्शन हुने तयारीमा रहेको चलचित्र ‘बितेका पल’ को फस्ट अफिसियल ट्रेलर सार्वजनिक भएको छ। ‘बितेका पल’लाई बिग प्रोडक्सनको ब्यानरमा राजेश घतानी र क्रिष रिजालले संयुक्त रुपमा निर्माण गरेका हुन्। ‘बाटोमूनिको फूल’ निर्माण गरेर सफल बनेका घतानिको यो चलचित्र ‘बितेका पल’ को निर्देशन् सुरज सुब्बा नाल्बोले गरेका हुन् । करिब साढे तीन मिनेट लामो ट्रेलरमा अभिनेत्री केकी अधिकारीले बोलेको संवादहरु निकै मर्मस्पर्शी रहेको छ। जसबाट चलचित्र इमोशनल टाइपको भएको अनुमान लगाउन सकिन्छ।चलचित्रको स्क्रिप्ट निर्देशक नाल्बोले नै लेखेका हुन्।
सत्य प्रेमकथामाथि आधारित भनिएको ‘बितेका पल’मा केकीलाई बाबु बोगटी र अविनाश गुरुङले साथ दिएका छन्। दार्जलिङका अविनाश यही चलचित्रबाट नेपालमा सिने यात्रा थालनी गर्दैछन्। चलचित्रमा डम्बर नेपाली, बाबु बोगटी, रोशन लामा र मोहित मुनालले संगीत दिएका छन्। पाश्र्य संगीत मोहितको रहेको छ। हरि लामाले खिचेको यो चलचित्रलाई विपिन मल्लले सम्पादन गरेका छन्।