काठमाडौं । रामबाबु गुरुङको निर्देशनमा बन्ने चलचित्र ‘डिग्री माइला: एमए थर्ड क्लास’को शुभ–मुहूर्त गरिएको छ । शनिबार कलाकार तथा प्राबिधिकको उपस्थितीमा नक्साल भगवती मन्दिरमा क्यामेरा र स्क्रिप्ट पूजा गर्दै चलचित्रको मुहूर्त गरिएको हो ।
मुहूर्तमा दयाहाङ राई, आँचल शर्मा, विजय बराल, माओत्से गुरुङलगायत कलाकारको उपस्थित थिए । आगामी शुक्रबार अर्थात (५असोज)बाट ओखलढुङ्गाबाट छायाङ्कन सुरु हुनेछ ।
मण्डला थिएटरमा २०७१ मा तीन पटकसम्म मञ्चन भएको ‘डिग्री माइला’ नाटकको थिमबाट निर्माण हुन लागेको फिल्ममा दयाहाङ राई केन्द्रीय भूमिका छन् । शैक्षिक बेरोजगारीले युवाहरुमा ल्याएको निराशामा आधारित भएर फिल्म बन्नेछ । नाटक पनि यही विषयमा केन्द्रित थियो ।
