काठमाडौँ। सुहाना थापा ईन्टरटेन्मेन्टको ब्यानरमा निर्माण भएको चलचित्र ‘एक भगवत् गीता’ को ट्रेलर सार्वजनिक गरिएको छ । शुक्रवार काठमाडौंमा एक कार्यक्रमको आयोजना गर्दै चलचित्रको ट्रेलर सार्वजनिक गरेको हो । चलचित्र यहि भाद्र २९ गतेबाट रिलिज हुँदैछ । चलचित्रमा कमला माईको भुमिकामा अभिनेता विपिन कार्की देखिएका छन् ।
विशेषगरि उनकै पृष्ठभुमिका ट्रेलरलाई प्रस्तुत गरिएको छ । सुनिल कुमार थापा प्रस्तुतकर्ता रहेको चलचित्रलाई झरना थापाले निर्देशन गरेका हुन् ।
”भगवान सबैको हुने भएकोल भगवान बुझ्ने र आफ्नो बुझाई र सिकाईबाट आफुले गर्ने कर्म फरक फरक भएकोले ‘एक भगवत् गीता’ पनि हाम्रो बुझाई अनुसारको एउटा काम हो ।” –अभिनेत्री सुहाना थापाले भनीन् ।
‘एक भगवत् गीता’मा विपिन र सुहानासँगै कबीर खड्का, जेविस र जेविन श्रेष्ठ, संजोग रसाइली, मुकेश झा, अनुराग कुँवर, रेअर राईलगायतको पनि अभिनय छ । फिल्ममा हर्कुलेस बस्नेत, आशिश अविरल र प्रवेश मालिकको संगीत रहेको छ ।
यस्तै कविराज गहतराजको कोरियोग्राफी, हिामाल केसीको एक्शन, शैलेश श्रेष्ठको ब्याकराउण्ड स्कोर, मित्र डि. गुरुङको सम्पादन फिल्ममा छ । फिल्मलाई काठमाडौंमा गोविन्द शाहीको काफिया फिल्मस् र काठमाडौं बाहिर श्री कृष्ण फिल्मस्ले वितरण गर्दैछ ।
