काठमाडौँ। नेपाल आदिवासी जनजाति पत्रकार महासंघ (फोनिज) जापानको चौंथो अधिवेशन तथा फोनिज जापान स्थापनाको गरिमामय ७ बर्ष पूरा गरी ८ औँ बर्ष प्रवेश गरेको अवसरमा प्रकाशित ‘फोनिज आवाज’ स्मारिकाको विमोचन कार्यक्रम एकै साथ गर्ने भएको छ । कार्यक्रम ३ सेप्टेम्बर (भदौ १७ गते ) हुनेछ।
नेपाल जापान तथा अन्य देशमा रहेका बौद्धिक ब्यक्तित्वहरुको लेख, रचना, बिचार तथा शुभकामना सहित जापानमा रहेका एकल जातिय संस्थाहरुको संस्थागत प्रोफाइल, र जनजाति कलाकारहरूलाई नेपाली कला, साहित्य र गीत संगीतको क्षेत्रमा लाग्न हौसला मिलोस् भन्ने उद्देश्यले जनजाति कलाकारहरूको प्रोफाइल स्मारिकामा समेटिएको फोनिज जापानले जनाएको छ । यसैबीज जापानमा रहेका आदिवासी जनजाति पत्रकारहरुलाइ फोनिजमा आबद्द गराउने उद्देश्यका साथ सदस्यता आह्वान पनी गरेको छ ।
