काठमाडौं। चलचित्र निर्माता एवम् गीतकार बैकुण्ठ प्रसाद उपाध्यायले आफ्नो तीन वटा गीतको भिडियो काठमाडौंमा एकसाथ प्रिमियर गरेका छन् । यी गीतहरुको गीतकार राजेन्द्र थापा, चलचित्र निर्माता निर्देशक तथा हाँस्यकलाकार सन्तोष पन्त र चलचित्र निर्देशक प्रकाश सायमीले सँयुक्त बिमोचन गरेका हुन् ।
हेर्ने भन्दा पनि बैकुण्ठका गीतहरु सुन्नेगीत बनेको राजेन्द्र थापाले बताए । राजेशले गीतको शब्द र भावलाई न्याय गर्दै निकै आकर्षक भिडियो बनाएको प्रतिक्रिया पनि थापाले दिए । यस्तै प्रकाश सायमीले नेपाली संगीतमा ढिलै भए पनि आफ्ना गीतबाट बैकुण्ठ प्रसाद उपाध्यायको उपस्थिति प्रसँसनीय भएको बताए ।
अभिनेता यसराज गराज, अभिनेत्री केकी अधिकारी, मिस पबी (पवित्रा खड्का), सन्दीप बाबु लोहनी, सत्या गिरीको मुख्य भूमिका रहेको ३ वटै म्युजिक भिडीयोको निर्माण गीतकार बैकुण्ठ प्रसाद उपाध्यायले गरेका हुन । प्रिमियरमा रिलिज गरिएको तीन वटै भिडियोको निर्देशन राजेश थापाले गरेका हुन् । अस्कर कलेज (कलेज अफ फिल्म स्टडिज) वाट चलचित्र निर्देशनमा ग्राजुएशन गरेका राजेश थापाले यस अघि झण्डै ५ दर्जन म्युजिक भिडीयो तथा केही बृत्तचित्रहरु निर्माण गरिसकेका छन् ।
बैकुण्ठ प्रसाद उपाध्यययले रचन गरेको, नारायण लामामो संगीतको स्वरुपराज आचार्य र अन्जु पन्तले अगल अलग भर्सनमा गाएको छाति किन पोल्छ र प्रताप दासले गाएको कुमार थापाको संगीत र बैकुण्ठकै रचनाको मैले दिएको चोखो माया सहित तीन वटा भिडियो रिलिज गरिएको हो । ३ वटै गीतहरुको एरेन्ज कुमार थापा, रेकर्ड चन्दु गोर्खाली र मिक्सिङ तथा मास्टरीङ मीन विष्टले गरेका छन् । स्वरुपराजको छाती किन पोल्छ भिडियोमा यसराज गराज र केकी अधिकारीले अभिनय गरेका छन् भने अन्जु पन्तको स्वरमा मिस पबी (पवित्रा साकी) र सन्दिप बाबु लोहनीले अभिनय गरेका छन् ।
यस्तै मैले दिएको चोखो माया…मा यसराज गराज र सत्या गिरीसँगै सन्तोष पन्त, निर्माता बैकुण्ठ उपाध्याय, सफल सार्थक टुहुरे खड्गी, राजन अधिकारी, अनिसा थापाको पनि अभिनय छ । भिडीयोको छायाँकन नरेश अयर र सम्पादन तारा थापा किम्भेको रहेको छ । स्वरुपराज आचार्यको आवाज तथा यसराज र केकी अभिनित म्युजिक भिडीयो छाती किन पोल्छ हाईलाईट्स नेपालको यु ट्यूब च्यानलवाट सार्वजनिक गरिएको छ । अरु दुई भिडियो चाँडै युट्युव च्यनलमा आउने गीतकार उपाध्यायले बताएका छन् ।
गीतकार उपाध्यायले यस अघि सर्वाेच्च शिखर सगरमाथा आरोहण गर्ने कान्छा आरोही तेम्वाछिरी शेर्पाको जीवनीमा आधारीत बृत्तचित्र “द योङ्गेस्ट हिरो अफ द हिमालय (२०५८)” र कथानक चलचित्र “हिजो आजका कुरा (२०७८)” मा सह–निर्माताको रुपमा काम गरिसकेका छन् । विगत लामो समयदेखि सांस्कृतिक अभियन्ताका रुपमा काम गरिरहेका उपाध्यायको यो तेश्रो प्रस्तुती हो ।
