काठमाडौँ। आगामी असार १५ गतेबाट प्रदर्शनमा आउने तयारीमा रहेको चलचित्र ‘परस्त्री’ को लिरिकल भिडियो गीत सार्वजनिक गरिएको छ । चलचित्रकी मुख्य पात्र आभ्याको जन्मदिनको सेटअपमा तयार पारिको सार्वजनिक गीतले चलचित्रको कथाको बारेमा प्रस्ट्याउने निर्माण टिमको भनाई छ ।
‘जीवन भनेको’ बोलको गीतमा चलचित्रका मुख्य कलाकार कोशिस क्षेत्री, शिल्पा मास्के र गौरव बिष्टका चल अचल दृश्यहरु समावेश गरिएको छ । केके ब्रोदर्सको कम्पोज तथा शब्द रचना रहेको गीतको संगीत संयोजन उदयराज पौडेलले गरेका हुन् । डिएस डिजिटलको व्यानरमा निर्माण भएको चलचित्र नेपाली र हिन्दीमा रिलिज हुनेछ ।
विवाहेत्तर सम्बन्धले निम्त्याउने पारिवारिक र सामाजिक संकटको कथाबस्तुमा निर्माण भएको चलचित्रलाइ निरज कँडेल छायांकन गरेका हुन् । सुरज पाण्डेको डेव्यु निर्देशन रहेको चलचित्रमा कोशिस, शिल्पा र गौरवका अलवा अलिसा क्षेत्री, अशान्त शर्मा, रामबाबु रेग्मी, सरस्वती अधिकारी, झकेन बिसी र अर्पित न्यौपानेको अभिनय रहेको छ ।
चलचित्रमा शर्मिला पाण्डे र दीपेन्द्र के खनालले निर्माणमा सहकार्य गरेका छन् । खनाल चलचित्रका लेखकसमेत हुन् । थ्रिलर जनरामा निर्माण भएको चलचित्रलाई जिजिए ग्रुप र डिसिएनले वितरण गर्दैछन् ।
