काठमाडौं। निर्देशक प्रताप सुब्बाको निधन भएको छ । दार्जिलिङमा बस्दै आएका निर्देशक सुब्बाको अस्पतालमा उपचारको क्रममा बिहीबार बिहान निधन भएको हो । उनि ७५ वर्षका थिए।
मौलिक नेपाली चलचित्रका प्रणेता मानिने सुब्बाले दार्जिलिङबाट ‘परालको आगो’, ‘बाँच्न चाहनेहरु’, ‘कहीँ अँध्यारो कहीँ उज्यालो’, ‘भीष्म प्रतिज्ञा’ जस्ता चलचित्रको निर्देशन गरेका छन् । ‘परालको आगो’ नेपालबाहिर बनेको पहिलो मौलिक सिनेमा थियो । ४० को दशकमा नेपाल आएका सुब्बा केही सिनेमा र टेलिसिनेमा बनाएर ५० को दशकमा दार्जिलिङ फर्किए ।
दार्जिलिङमा सन् १९४७ मा जन्मिएका सुब्बाले ७ वटा फिचर सिनेमा, ६ वटा वृतचित्र, ५ वटा भिडियो सिनेमा, १३ वटा टेलिसिनेमा र ५ वटा नाटकको निर्माण तथा निर्देशन गरेका छन् ।
