काठमाडौँ। गायक आर.सी. रिमाल र गायिका अन्जु पन्तको स्वरमा रहेको गीत ‘भीर माहुरी’ सार्वजनिक गरिएको छ। सार्वजनिक गीतमा मोहन थापाको शब्द र गायक आर. सी.कै रहेको संगीत रहेको छ ।
डान्सिङ विटमा बनेको गीतको भिडियोमा रोशन केसी र प्रियंका कार्की फिचर्ड छन् । भिडियो भिजन शिवाकोटीको कोरियोग्राफी तथा निर्देशनमा बनेको हो। गीतकार थापाको प्रेमिल शब्द अनुसारको म्युजिक भिडियो बनेको छ । यस म्युजिक भिडियोमा निर्देशक शिवाकोटीले गीतको भाव जस्तै निर्देशन र कोरियोग्राफीमा भिडियो तयार पारेका छन् । सार्वजनिक भिडियोमा रोशन र प्रियंकाको नृत्य हेर्न सकिन्छ।
भिडियोमा उत्सव दाहालको छायांकन, विकाश दाहालको सम्पादन र रंग संयोजन रहेको छ। भिडियो नेपमेलो युट्युब च्यानल मार्फत सार्वजनिक गरिएको छ ।
