काठमाडौं । गायक तुलसी सिवाकोटी र रिता केसीको स्वरमा रहेको रोमान्टिक गीत ‘जुनी जुनी’ लाई सार्वजनिक गरिएको छ । सार्वजनिक गीतमा प्रकाश खरेलको शब्द तथा संगीत साहस शाक्यको रहेको छ । भिडियोमा रोमान्टिक प्रेमील जोडीको कथालाई समेटिएको छ । भिडियोमा जीवन भट्टराई तथा स्मारिका ढकालको फिचर्ड छन्। केशव राज भट्टले निर्देशन गरेको भिडियोमा छायाँकन प्रकाश खड्का तथा सम्पादन दिन्सन शाहको रहेको छ ।
विशेषगरी युरोपमा रहेर विभिन्न देशहरुमा आफ्नो सांगीतिक प्रस्तुती दिने तथा नेपाली संगीतमा योगदान दिइरहेका गायक सिवाकोटीका यसअघि दर्जर्नौ गीतहरु सार्वजनिक भइसकेका छन् । ओएसआर डिजिटलको अफिसियल च्यानल मार्फत सार्वजनिक गरिएको छ।
