काठमाडौं। निर्देशक दिनेश राउतको अनटाइटल प्रोजेक्टमा गायिका दिक्षिता कार्की अनुबन्धित भएकी छन् । ‘युट्युब सेन्सेसन’ कार्की युवापुस्ता माँझ लोकप्रिय छिन्। लभस्टोरी जनराको यस चलचित्रमा गायक स्वप्न सुमन यसअघि नै फाइनल भैसकेका थिए । चलचित्रमा अब स्वप्न र दिक्षिताको जोडी बाँधिनेछ । अंग्रेजी गीत गाएर चर्चामा आएकी दिक्षिताका ‘तिमि र म’, ‘जीवन’ जस्ता गीत लोकप्रिय छन् । सानै उमेरदेखि दर्शक माझ चिनिएकी दिक्षिता भर्खर १८ वर्ष पुरा भएकी छन् ।
शहर केन्द्रित विषयबस्तुमा निर्माण हुने सिनेमाले शहरी सभ्यताभित्रको ढोंग र प्रेमको कथा भन्नेछ । चलचित्र डिजिटल क्यामेरा इक्विपमेन्ट कम्पनी मल्टी मेटको ब्यानरमा निर्माण हुनेछ ।
