काठमाडौँ। फ्राइडे रिलिज अन्तर्गत आज शुक्रवारबाट दुई नेपाली चलचित्र एकसाथ प्रदर्शनमा आएका छन् । कैलाश राई निर्देशित चलचित्र ‘मनसँग मन’ र मदन घिमिरे निर्देशित चलचित्र‘आँधी तूफान २’ आज रिलिज भएका हुन् ।
‘मन संग मन’ मा पुष्प खड्का र वर्षा शिवाकोटी मुख्य भूमिकामा छन् । अरुण तामाङ निर्माता रहेको यस फिल्मको गीतमा पल शाह र पूजा शर्माले नृत्य गरेका छन् ।
यस्तै, एक्सन जनरामा निर्माण भएको ‘आँधी तूफान २’मा रवि गिरी, सञ्जय खतिवडा, सञ्जित भण्डारी, पुष्कर राउत, सोनी बिसी, यांशु श्रेष्ठ, आरती आचार्य, कान्जी कोइराला, ऋचा थापा, अनामिका कार्की लगायतको अभिनय छ । मौनता श्रेष्ठको लेखन एवं निर्माणमा फिल्म बनेको होे ।
