शोभितको चलचित्रमा केकी अनुबन्धित

काठमाडौँ। शोभित बस्नेतको चलचित्रमा अभिनेत्री केकी अधिकारी अनुबन्धित भएकी छन् । निर्माता शोभित बस्नेतको जन्मदिनको अवसर पारेरआइतबार केकीसँग लिखित सहमति गरिएको हो। चलचित्र ‘जय हो’ मा केकी संगै अर्पण थापा, सलोन बस्नेत र माओत्से गुरुङ तय भइसकेका छन् । टेक पौरखी राईले निर्देशन गर्ने चलचित्र आगामी फागुन २५ गते देखि छायांकनमा जानेछ।

चलचित्र पोखरा र मुस्ताङको विभिन्न स्थानमा छायांकन गरिने निर्माण टिमले जानकारी गराएको छ । सुरेश न्यौपानेको कथा रहेको चलचित्र एक्सन तथा लभस्टोरी जनराको रहेको छ। चलचित्रमा शम्भुजित बाँस्कोटा र सागर आले मगरको संगीत ,सौरभ लामाको छायांकन रहनेछ। चलचित्रमा राज के अधिकारी र सुरज सरकारले लगानी गर्नेछन् ।