काठमाडौं। फागुन १९ गते बाट प्रदर्शनमा आउने तयारीमा रहेको चलचित्र ‘छक्कापञ्जा ४’ को दोस्रो चरणको छायांकन सुरु भएको छ । शुक्रबार वसन्तपुरबाट चलचित्रको छायांकन सुरु भएको हो । दोस्रो चरणको छायांकनको पहिलो दृष्य दीपकराज गिरीले दिए ।
दुई साता छायांकन सेडुलसहित सुरु भएको चलचित्र काठमाडौं भित्रै खिचिनेछ । चलचित्र चिसो समयमै खिच्नुपर्ने भएकोले अहिले सुटिङ सेडुल राखिएको निर्माण टिमले बताए । पहिलो चरणमा चलचित्रको ८० प्रतिशत छायांकन पूरा भइसकेको थियो । त्यसको १० प्रतिशत दृश्य फेर्नुपर्ने भएकोले अहिले ३० प्रतिशत छायांकन हुने कलाकार समेत रहेका निर्माता दीपकराज गिरीले बताए ।
समसामयिक राजनीति विषयमा निर्माण हुन लागेको चलचित्रका निर्देशक हेमराज बिसी हुन् । चलचित्रका कार्यकारी निर्माता निर्मल शर्मा र केदारप्रसाद घिमिरे छन् ।
