काठमाडौं। अनमोल के.सीले धीरजलाई झरना थापाको नयाँ फिल्म ‘भगवत् गीता’मा जोडिएपछि बधाई दिएका छन् । झरना र उनका श्रीमान् तथा निर्माता सुनिल कुमार थापाले फिल्ममा धिरज अनुबन्ध भएको तस्बिर फेसबुकमा राखेका छन्, जसमा फिल्म क्षेत्रका हस्तीहरुले बधाई दिएका छन् । त्यसमा अनमोल पनि पर्छन् । उनले निर्माता थापाको पोस्टको कमेन्टमा बधाई तथा शुभकामना लेखेका छन् ।
‘भगवत् गीता’का लागि झरनाको पहिलो रोजाई अनमोल नै थिए । तर, लगालग एउटै टिम र एउटै अभिनेत्रीसँग काम गरिसकेकाले अनमोलले उक्त फिल्ममा काम गर्न रुचि देखाएनन् । यसपछि झरनाले अभिनेता धिरज मगरलाई फिल्म अफर गरेकी थिइन् । तर, धिरजले सुरुमै ४० लाखभन्दा कममा फिल्म नगर्ने भनेपछि झरना विच्किइन् र उनको विकल्प खोज्न थालिनन् । तर, हिरो भेटिनन् ।
अन्तत: फिल्ममा धिरज नै भित्रिएका छन् । आइतवार निर्माण टिमले उनीसँग कागजी सम्झौता गरि सकेका छन् ।
