चलचित्र ‘भगवत् गीता’मा अन्ततः धिरज मगरले मुख्य भूमिकामा अभिनय गर्ने भएका छन् ।
लामो समयको छलफल पश्चात चकलेटी ब्वाई धिरजले चलचित्रमा काम गर्ने पक्का भएको हो । निर्देशक झरना थापा र धिरजबीच आइतबार लिखित सम्झौता भएको छ ।
सुनिल कुमार थापाको निर्माण रहने चलचित्रमा धिरजको जोडी अभिनेत्री सुहाना थापासँग बाँधिनेछ । धिरज र सुहानाले पहिलो पटक एकसाथ काम गर्न लागेका हुन् ।
आगामी महिनाको तेस्रो साता चलचित्रलाई छायाँकनमा लैजाने सुनिल र झरनाको तयारी छ ।
‘भगवत् गीता’को प्रदर्शन मिति आगामी बैशाख १ गतेका लागि घोषणा गरिसकिएको छ ।
