काठमाडौं । नेकपा एमालेका अध्यक्ष केपी शर्मा ओलीले मदनकृष्ण श्रेष्ठ र हरिवंश आचार्य अभिनित चलचित्र ‘महापुरुष’ हेर्ने इच्छा व्यक्त गरेका छन् । सामाजिक सञ्जालमा अभिनेता श्रेष्ठको तस्वीर सेयर गर्दै ओलीले बाँचुञ्जेल अभिनय गर्ने सदीक्षा पूरा होस् भन्ने कामना समेत गरेका छन् । ‘मलाई पनि उहाँद्वारा पछिल्लो पटक अभिनित चलचित्र ‘महापुरुष’ हेर्ने इच्छा जागेको छ । चलचित्र महापुरुषको भव्य सफलताको कामना व्यक्त गर्दछु,’ ओलीले भनेका छन् ।
मदनकृष्णले यसैसाता केही मिडियासँग कुरा गर्दै आफूलाई बाँचुञ्जेल अभिनय गर्ने इच्छा रहेको बताएका थिए । महजोडीको पछिल्लो चलचित्र ‘महापुरुष’ कात्तिक ११ गते प्रदर्शन तयारीमा छ ।
